Jaaniye Best Study Techniques

Doston jald hi aapke schools aur colleges start hone wale hai. Aur aap logon ka vacation jo hai wo khatam hone wala hai. Nirash mat hona yaar. Padhai mein bhi alag tarah ka ek maza hai jab hum use thik se karte hai. To aaj ka yeh video aapki isme madad karega. Doston is video mein hum aaj 9 aise study techniques aur tips dekhne waale hai jo aapke padhai mein kaafi help karenge. Aap zyaada focus kar paoge. To is video ko end tak dekhiye aur in tips ko try kijiye padhte samay istamaal karne ki. Ho sakta hai saare tips sabhi ko suit na ho. Lekin aap try karke dekhiye ki aapko kaun kaun se tips mein fayda ho raha hai.

1. Background me dheema instrumental music chalaiye-
Kuch scientific research ke anusaar jab aap padhai karte waqt music sunte hai bina lyrics ke, yaani instumental tab aapka focus badhta hai. To experiment kijiye kuch music ke saath taaki aapko pata lage ki kisme zyaada fayda ho raha hai. Par music mein zyaada beats nahi ho to accha hoga. Man ko shaant karne wala music ho. Music aapka dhyaan ekaagra karta hai. Aapka dhyaan 10 jagah bhatkega nahi. To aap padhai par zyaada acche se focus kar sakte ho, concentrate kar sakte ho. To ise zarur try kijiye.

2. Sahi Breaks lijiye-
Breaks lena zaruri hai study ke beech. Par break kab kab lena chahiye. Dekhiye padhai aur break ka time har kisi ke liye thoda alag ho sakta hai. For example agar aap 40-50 minutes continue padhte hai to 10-15 minutes ka break lijiye aur phir 40-50 minutes padhiye. Agar aap confuse hai ki kab break le to jab aap oobne lage ya shareer mein uneasiness hone lage tab lelijiye. Break ke dauraan aap apni kuch manpasand activites kar sakte ho jaise streching kar sakte ho, yoga kar sakte ho, kuch healthy kha sakte ho. Isse aap taaza mehsoos karoge aur zyaada focus ke saath padh paoge. Par dhyaan rahe 10-15 minutes ka break ghanton ka break na ho jaye. Kaafi baar behak jaate hai hum.

3. Multiple subjects ki study kijiye
Kuch researches ke anusaar jab aap ek hi subject ko zyaada der tak padhte hai to thoda stress mahsoos kar sakte hai, isliye jab aap ek hi subject ko zyaada der padhne se oobne lage to dusra subject utha lijiye use padhiye.

4. Exercise kijiye-
Doston laziness chodiye. Sofe par baithke tv dekhte dekhte bor nahi ho jaate ho kya. Jo students active hote hai wo zyaadatar accha perform karte hai. Exercise kia kijiye. Exercise se aapka blood circulation thik rahta hai aur man bhi shaant rahega. Aap zyaada motivated feel karoge. Yahi nahi focus bhi badhega aur uske saathi aapki productivity. Aur ye door karega stress ko.

5. Notes banaiye-
Class mein lecture ke dauraan notes banaiye. Par dhyaan rahe pehle thik se sunlo jo teacher samjha rahe hai. Aur notes short mein banaana warna sirf likhte rahoge aur teacher ko keh rahe hai use samjhoge nahi. Handwritten notes banaiyenge to behtar hoga. Notes bananeke fayde hote hai, jaise aap actively sunte ho aur aap seekhte ho kyuki aap sunte hue note kar rahe ho.

6. Sikhaiye doosron ko-
Jab aap kisi concept ya topic ko acche se samajh lete hai to koshish kare dusre jinko wah samaj nahi aa raha hai unko sikhaane ki. Jab aap dusron ko sikhate hai to aapka bhi revision ho jaata hai.

7. Group study kijiye jab zarurat ho-
Kuch baar ho sakta hai iski zarurat na ho par kuch subjects mein aapko iski zarurat ho sakti hai jab us subject mein kaafi doubts ho jo ek dusre se consult karke solve ho sakte hai. Par aise doston ke saath seekhiye jo seriously seekhna chahte hai.

8. Practice kijiye-
Pehle concept ko samajhiye. Padhiye. Phir ek mock test lijiye. Jo mistakes hue hai unhe analyze kijiye aur seekhiye unhe acche se.

9. Neend poori lijiye
Subah subah fresh uthne ka maza hi kuch aur hai. Hai na. Par raat ko ham ise lightly le lete hai aur bahut baar late so jaate hai. Kabhi kabar late ho jaye sone mein aur Raat ko neend poori nahi hui hai to dopahar ko choti choti neend le lijiye.

To doston umeed hai aapko video acchi lagi. To yaar ek like bhi kar do. Aur ho sake to share kar dena. Subscribe to kar hi lia hoga na. Dhanyawaad.

Add a Comment

Your email address will not be published. Required fields are marked *